نماز امام حسنؑ و امام حسینؑ
نماز امام حسنؑ و حسینؑ
جمعہ کے دن، امیرالمومنینؑ کی نماز کی طرح یہ بھی چار رکعت نمازہے۔ اسی طرح امام حسنؑ کی ایک اور چار رکعتی نماز بھی ہے جسکی ہررکعت میں حمد کے بعد پچیس مرتبہ سُورہ توحید کی تلاوت کریں اور نمازکے بعد حضرت کی یہ دُعا پڑھیں:
اَللّٰھُمَّ إنِّی أَتَقَرَّبُ إلَیْکَ بِجُودِکَ وَکَرَمِکَ
اے معبود میں تیرے جود وکرم کے ذریعے تیرا تقرب چاہتا ہوں
وَأَتَقَرَّبُ إلَیْکَ بِمُحَمَّدٍ عَبْدِکَ وَرَسُولِکَ
اور میں تیرے بندے اور رسول محمدؐ کے ذریعے تجھ سے تقرب چاہتا ہوں
وَأَتَقَرَّبُ إلَیْکَ بِمَلاَئِکَتِکَ الْمُقَرَّبِینَ وَأَنْبِیائِکَ وَرُسُلِکَ
اور میں تیرے مقرب ملائکہ اور تیرے نبیوں اور رسولوں کے ذریعے تیرا تقرب چاہتا ہوں
أَنْ تُصَلِّیَ عَلَی مُحَمَّدٍعَبْدِکَ وَرَسُولِکَ وَعَلَی آلِ مُحَمَّدٍ
اے اللہ تو اپنے بندے اور رسول حضرت محمدؐ اور آلِ محمد ؐپر رحمت نازل فرما
وَأَنْ تُقِیلَنِی عَثْرَتِی، وَتَسْتُرَ عَلَیَّ ذُنُوبِی وَتَغْفِرَھَا لِی
اور میری خطا معاف فرما دے، میرے گناہوں کی پردہ ڈال اور انہیں معاف کر دے
وَتَقْضِیَ لِی حَوَائِجِی، وَلاَ تُعَذِّبْنِی بِقَبِیحٍ کَانَ مِنِّی
میری حاجت پوری فرما اور جو بری حرکت مجھ سے ہوئی ہے اس پر مجھے عذاب نہ کر
فَإنَّ عَفْوَکَ وَجُودَکَ یَسَعُنِی، إنَّکَ عَلی کُلِّ شَیْئٍ قَدِیرٌ ۔
بے شک تیرا عفو اور تیرا جود میرے شامل حال ہے۔ یقینا توہر چیز پر قادر ہے۔
یہ بھی چار رکعت نماز ہے جس کی ہر رکعت میں سُورہ حمد اور سُورہ توحید پچاس پچاس مرتبہ، اسی طرح دس دس مرتبہ سُورہ حمد و توحید کو رکوع ، رکوع کے بعد سیدھے کھڑے ہو کر،پہلے سجدے ، دونوں سجدوں کے درمیان اور دوسرے سجد ے میں پڑھیں اور نماز سے فارغ ہو کر ہے یہ دعا پڑھیں:
اَللَّھُمَّ اَنْتَ الَّذِیْ اسْتَجَبْتَ لِآدَمَ وَحَوَاءِ تاآخر
یہ دعا کچھ طویل ہے جو مکمل طور پر ملحقات دوم مفاتیح الجنان میں ملاحظہ فرمائی جا سکتی ہے ۔
