یہ روز عید قربان اور بڑی عظمت و بزرگی والا دن ہے ۔اس میں کئی ایک اعمال ہیں :
۱۔ غسل: آج کے دن غسل کرنا سنت مؤکدہ ہے اور بعض علماء تو اسکے واجب ہونے کے قائل ہیں ۔
۲۔ نماز عید:اس کا طریقہ بھی وہی ہے جو نماز عید الفطر کا ہے اور تفصیلی طور پر ذکر ہو چکا ہے اور بہتر ہے کہ آج کے دن بھی نماز عید کے بعد قربانی کے گوشت سے افطار کرے ۔
۳۔ نماز عید سے قبل و بعد منقولہ دعائیں پڑھے :تاہم آج کے دن صحیفہ کاملہ کی اڑتالیسویں دعا پڑھنا بہت بہتر ہے جو
اَلّٰلھُمَّ ھَذَا یَوْمٌ مُبَارَکٌ
۴۔ قربانی: قربانی کرنا سنت مؤکدہ ہے ۔
سے شروع ہوتی ہے ۔نیز صحیفہ کاملہ کی چھیالیسویں دعا بھی پڑھے جس کا آغاز
یَامَنْ یَرْحَمُ مَن لَا یَرْحَمُہُ الْعِبَادُ
سے ہوتا ہے۔
تکبیرات
تکبیرات:جو شخص منیٰ میں ہووہ روز عید کی نماز ظہر سے تیرھویں ذی الحجہ کی نماز فجر تک پندرہ نمازوں کے بعد تکبیریں پڑھے اور دیگر شہروں کے لوگ روز عید کی نماز ظہر سے بارھویں ذی الحجہ کی نماز فجر تک دس نماز وں کے بعد تکبیریں پڑھیں : کافی کی صحیح روایت کے مطابق وہ تکبیریں یہ ہیں ۔
اللہُ أَکْبَرُ، اللہُ أَکْبَرُ، لَا إلہَ إلَّا اللہُ، وَاللہُ أَکْبَرُ، وَاللہُ أَکْبَرُ، وَاللہُ أَکْبَرُ،
اللہ بزرگتر ہے اللہ بزرگتر ہے اللہ کے سوا کوئی معبود نہیں اللہ بزرگتر ہے اللہ بزرگتر ہے اور اللہ ہی کے لئے حمد ہے
وَلِلّٰہِ الْحَمْدُ اللہُ أَکْبَرُ عَلٰی مَا ھَدَانا، اللہُ أَکْبَرُ عَلٰی مَا رَزَقَنا مِنْ بَھِیمَةِ الْاَنْعامِ وَالْحَمْدُ لِلّٰہِ عَلٰی مَا أَبْلَانَا۔
اللہ بزرگتر ہے کہ اس نے ہمیں ہدایت دی اللہ بزرگتر ہے کہ اس نے ہمیں روزی دی بے زبان چوپایوں میں سے اور حمد ہے اللہ کیلئے کہ اس نے ہماری آزمائش کی ۔
یہ تکبیریں مذکورہ نمازوں کے بعد حتی الامکان بار بار پڑھنا مستحب ہیں ۔بلکہ نوافل کے بعد بھی پڑھے :
دعائے ندبہ
دعاء ندبہ پڑھے جو کہ مخصوص دعاؤں کی فہرست میں موجو د ہے ۔
